കൊച്ചി: ക്ഷേത്ര വരുമാനം ഓഡിറ്റ് ചെയ്യാനുള്ള ഡിജിറ്റല് സംവിധാനം വികസിപ്പിക്കുന്നതിലെ നടപടിക്രമങ്ങള് രണ്ടാഴ്ചയ്ക്കകം അറിയിക്കണമെന്ന് ഹൈക്കോടതി.
തിരുവിതാംകൂര് ദേവസ്വം ബോര്ഡിന്റെ കീഴിലെ ക്ഷേത്രങ്ങളിലെ ഉള്പ്പെടെ വരുമാനം യഥാസമയം കൃത്യമായി ഓഡിറ്റ് ചെയ്യാനുള്ള അതീവ പ്രാധാന്യമുള്ള പദ്ധതിയാണെന്ന് ചൂണ്ടിക്കാട്ടിയാണ് കേരള സ്റ്റേറ്റ് ഇന്ഫര്മേഷന് ടെക്നോളജി ഇന്ഫ്രാസ്ട്രക്ചര് ലിമിറ്റഡിന് (കിറ്റ്ഫ്ര) ജസ്റ്റീസ് എ. രാജ വിജയരാഘവന്, ജസ്റ്റീസ് കെ.വി. ജയകുമാര് എന്നിവരടങ്ങുന്ന ഡിവിഷന് ബെഞ്ച് നിര്ദേശം നല്കിയത്.
പൊതുമേഖലാ സ്ഥാപനമായ കെഎസ്ഐടിഎല്സിയെ കണ്സള്ട്ടന്റായി ചുമതലപ്പെടുത്തിയതായി തിരുവിതാംകൂര് ദേവസ്വം ബോര്ഡ് നേരത്തേ അറിയിച്ചിരുന്നു. തുടര്ന്ന് കോടതി നിര്ദേശപ്രകാരം പ്രിന്സിപ്പല് സെക്രട്ടറിയും കെഎസ്ഐടിഎല് സിഎംഡിയുമായ ഡോ. സന്തോഷ് ബാബു, ഇന്ഫര്മേഷന് കേരള മിഷന് ഡപ്യൂട്ടി ഡയറക്ടര് ഡോ. നൗഫല്, കിറ്റ്ഫ്ര ജനറല് മാനേജര് രാഹുല് എ. രാജ് എന്നിവര് കോടതിയില് ഹാജരായിരുന്നു.
പദ്ധതിക്കു വേണ്ട സാങ്കേതിക കാര്യങ്ങള് അടക്കമുള്ള വിവരങ്ങള് രണ്ടാഴ്ചയ്ക്കകം തയാറാക്കാമെന്ന് ഉദ്യോഗസ്ഥര് വ്യക്തമാക്കി. ടെന്ഡര് നടപടികള് സുതാര്യമാക്കാന് സമഗ്ര പദ്ധതി റിപ്പോര്ട്ട് (ഡിപിആര്), ബിസിനസ് റിക്വയര്മെന്റ് ഡോക്യുമെന്റ് അടക്കം തയാറാക്കേണ്ട ഉത്തരവാദിത്വം കിറ്റ്ഫ്രയ്ക്കാണെന്ന് കോടതി ചൂണ്ടിക്കാട്ടി.
E-paper LOGIN
LOGIN